[/url]
انيوووووووو بنوتااااات
ايه الاخبار ؟؟؟؟؟؟؟؟؟ اتمنى تكونو باحسن صحة وحال
اليوم جايبة موضوع معتقدش انه فيه مثله في المنتدى ^_^ اصل الفكرة طفوليه شوية او للـTeenagers اكتر بس هيا الفكرة حلوةو ممكن نعملها في البيت واهي تغيير برضو ..... وممكن تتعمل في المناسبات الوطنية لو فيه احتفالات مثلا دا للي مش محجبات وعاوزين يخرجو بيه
المهم...^^
اليوم كنت اعدة على الفيس ولقيت واحدة عندي من امريكا عاملة حاجة مجنونة في شعرها بس حلوة جدا
كانت عاملاه بمناسبة العيد بتاعهم الي هوا بتاع 4th of July
والحاجة دي اسمها Chalking the Hair
متخدوش في بالكو الاسم عجيب
بصو انا هسميه بالعربي " تلوين الشعر" عشان مش عارفة اسمه بالعربي ايه يعني ههههههههههههههه
عشان تفهموووني اكتر هوريكوو الصور
ادي الصورة الاول :
الصـــورة الثانية :
احب بقا اوريكو طريقة عملها . الموضوع سهل جدا جداااااا
الادواات : الوان شمع !!! "ومتشتغربيش اوي الموضوع سهل جدا" - مية - المشط بتاعك - حاجة تحطيها على رجلك وانتي بتعمليه عشان هينزل فتافيت الشمع
قبل الخطوااات بقاا فيه حاجة
1- المية دي الي بيستعملها الي شعرهم اسود او غامق عموما انما الي شعرهم اصفر او الالوان الفاتحة اوووي يعني دي متحطش مية عشان الالوان الفاتحة بتمصه ولو حبيتي تشيله هيبقا صعب... انما الي شعرهم غامق لااااااااازم نستخدم المية .... والي شعرهم احمر او البرتقالي دا يجربو من غير مية لو لقو اللون مش ظاهر حطوا مية
2- بعد ما تعمليه لو لقيتيه بعد اول غسلة ولا حاجة اختفى لازم تعرفي ان دا مؤقت مش دايم يعني دا لليوم كدة ولا حاجة مش علاطول زي الصبغة التانية العادية
3- دي ملهاش اي اضرار خالص على الشعر..!!!
4- الشمع الي تستخدميه يكون الوان شمع عادية يعني Soft Pastels مش Oil Pastels والالوان دي بتتباع في المكتبات عادي انا كان عندي منها قبل كدة وانا صغيرة هوريكو صورتها دلوقتي.... بس مش بنستخدم oil pastels عشان صعب تتشال او اللون يتشال من الشعر بالساهل... بس انا شخصيا هستعملها لاني كدة ولا كدة محدش بيشوف شعري غير اهلي فمفيش مشاكل يعني حتا لو اللون اعد معايا فترة طويلة
لان انا الكلام دا جيباه من موقع اجنبي على النت عشان هما عندهم الموضوع دا مهم لانهم بيخرجو بشعرهم دايما
دي الـ Soft Pastels :
اكيد تعرفوها او افتكرتووها ... انا كنت بستخدمها في كي جي وايام ابتدائي هههههههههههههههههه
اكيد موجودة في اي مكتبة يعني
يلا نخش على الخطواااااااااااااااات ..^^
1- قسمي الخصلات الي عاوزة تلونيها ومتنسيــــــــش تحطي حاجة على رجلك وانتي بتعملي عشان بتفرفت
2- زي ما قلنا فوق لو شعرك غامق بليه
3- خدي اللون الي هتلوني بيه الخصلة الي معاكي ولفي الخصلة وانتي بتلوني "زي في الصورة الي جاية دي كدة"
4- بعد ما تلوني الخصلة سرحي شعرك بالمشط او الفرشة عشان اي زوايد تتشال " زي الصورة دي كدة "
كدة انتي لونتي الخصلة بشكل عادي..==
5- جربي تدمجي لونين كدة مع بعض زي الي في الصورة
بس كدة ومبروووك عليكي اللون الجديد...
"ملحوظة : الوان الـOil Pastel انا جربتها ولقيتها مش بتعمل حلو اوي "
بناااات .. الموضوع دة انا ناقلاه من منتدي كدة .... بس بجد عجبتني الفكره ..^^
و ع فكرة انا جربتها ... و دلوقتي بنقلكم الموضوع و انا ملونه شعري ازرق ..
الفكرة جامده و مش ضارة بالشعر خاالص ^^
يلا اتمني يكوون عجبكوا الموضوووووع
منقووول للأمانه ..^^
انيوووووونج بناااات ..
